US minak nu nih bus in tarpa tengh lak a nam, a nunnak liam caah police nih an tlaih cang

US ram Las Vegas ah bus ai citmi minak nu le tarpa cu bus chung ah bia in an i si, tarpa a tum pah ah minak nu nih a keng in a nam chih caah tarpa ai tengh i fak ngai in ai khawng.

Kum 74 a si cangmi tarpa Serge Fournier cu siizung ah an kalpi i caan sau nawn an thlop hnu ah a nunnak a liam. Tengh lak in a nam chihtu minak nu Cadesha Bishop cu police nih an tlaih ve cang.

Minak nu hi minung thah sualpuhnak in taza an cuai, bia an ceih piak lai i kum tampi thonginn ah um ding dirhmun a si.

Cadesha Bishop nih bus cung in tarpa Mr Fournier a nam chih lio cu bus CCTV ah hmuh khawh dih a si. Tarpa cu concrete lakah a hmai lei in a bawk i fak ngai in ai khawn hi a si. CCN