AA ralkap tih an nung chin lengmang, Rakhine khuapi bak ah Tatmadaw 20 an thah hna

Rakhine ram a hlanchan khualipi Mrauk-U bak ah AA ralkap nih Tatmadaw sakhan an kah i Tatmadaw ralkap 20 bak an thah khawh hna, AA hi tih an nung chin lengmang ko.

AA ralkap nih an thuatmi sakhan hi Tatmadaw nih hriamnam ngan in AA ralkap an kah tawnnak hmun a si, ruah lo piin an thuat hna tikah Tatmadaw lei a thimi an tam khun. Tatmadaw an meithal le thilri tam nawn zong AA nih an lak khawh fawn.

Mrauk-U khua ah AA nih ralkap 20 bak an thah hna hnu in Tatmadaw an thinhung i tuhi raltuknak vanlawng le helicopter in AA an thuat cuahmah cang hna. Nifatin in an i phomh ko.

Ralkap hna hi thluak an hmang ve, police sakhan ah an um i police thilthuam an i hruk. Nain, ralkap hriamnam tha hmang in AA an kah tawn hna.

AA ralkap nih Tatmadaw sakhan an kah, ralkap cheukhat zong an nunnak a liam tiah Tatmadaw nih thawng an thanh, pazeizat an thi timi cu an langhter lo.

AA hi an dirhnak a sau rih lo nain nikum hrawng in ralkap a hninh kho bikmi hriamtlai phu ah an i chuah, anmah kut in Tatmadaw ralkap a thimi an tam bak ko cang. Irrawaddy

Be the first to comment

Leave a Reply